Loading…

स्वास्थ्यका लागि निकै लाभदायक मानिने जमराको जुस बुटवलमा उत्पादन

0
Shares

बटौली १८ असोज । दशै पर्व नजिकिदै छ । निधारमा रातो टिका र कानमा जमरा सिउरीएर मान्यजनको आशिस थाप्ने दशै पर्वको विशेषता हो । दशैमा लगाईने जमराको अरुबेला त्यति उपयोगितामा ल्याएको पाईदैन् । सरायँ मेलामा जमराको माला बनाउनु बाहेक जमराको उपयोगिता देखिँदैन । यसको जुस बन्छ, तर धेरैलाई थाहा छैन । स्वास्थ्यका लागि लाभदायक मानिने भएपछि बुटवलमा यसको जुस उत्पादन थालिएको छ ।


बुटवलको लक्ष्मीनगरमा रहेको गुल्मी मुसिकोट जैविक कृषि फार्म उत्पादन तथा वितरण केन्द्रले एक बर्ष देखि जमराको जुस बनाएर विक्रि गर्दै आएको छ । दुई लाखको लगानीमा सुरु भएको फार्ममा जमराको जुस पिउन अहिले दैनिक १ सय ५० जना आउने गर्दछ । मासिक १ लाख रुपैया सम्म आम्दानी गर्दै आएका फार्म सञ्चालक डिलाराम वाशिष्ट (उपाध्याय) जमराको जुस प्रति आर्कषण बढ्दै गएको डिलाराम बाशिष्ट उपाध्याय बताउँछन् ।
लक्ष्मी आर्दश सामुदायिक बन उपभोत्ता समुहको डेढ कठ्ठामा अहिले व्यवसायीक रुपमा जमरा लगाएका छन् । जापानिज प्रविधि फार्ममा अपनाइएको छ । जमुराको जुस प्रति गिलास ३० तथा अंकुरित जुस ४० रुपैयामा विक्रि गर्दै आइरहेका छन् । विहान मनिङ वाक्कमा निसक्ने अधिकांशले जमराको जुस खाने गर्दछन् । जमराको जुस नियमित सेवन गर्दा हाड, जोर्नी दुख्ने समस्याको समधान भएको मनिङ वाक्क गर्ने पद्मा पक्षाईको भनाई छ ।जुम्लाको जौ र गौ बाट बनाईने जुसमा भिटामिन, खनिज, आइरन, क्याल्सियम तत्व पाईन्छ । स्वास्थ्यका लागि लाभदायक हुने भएकाले दिनहुँ जमराको जुस सेवन गर्नेहरूको संख्या बढ्दै गएको छ । जमरामा जुसमा अर्गानिक र सोडियाम हुने भएकोले जल वियोजनको समस्या भएकाहरुलाई निकै फाइदा गर्छ । अमेरिकाको विज्ञान प्रविधि स्रोत अनुसन्धान संस्थाले गरेको अनुसन्धान अनुसार भिटामिन, खनिज, क्लोरोफिलको हुन्छ । यसमा गाईको दूधमा भन्दा ३० गुना बढी भिटामिन बि, तथा पालुङ्गोको भन्दा ३ दशमलव ३ गुना भिटामिन पाइन्छ । त्यस्तै ६ दशमलव ५ गुनावेसी क्यारोटिन, ५ गुना बढी आइरन पाईने प्रमाणित भएको छ ।
यसका फाईदाहरु
जमरा भन्ने वित्तिकै धेरैले संम्झिन्छन्, लगाउने कुरा । तर, दशैमा टीकासँग लगाउने जमरा लगाउँन मात्रै होइन् खान पनि हुन्छ, त्यो पनि स्वास्थ्यको दृष्टिले धेरै फाइदाजनक पनि हुने तथ्य पुष्टि भएको छ ।

मकै, गहुँ, धान, जौलगायतका अन्न मिसाएको दशैको घटस्थापनाको दिन घरघरमा जमरा राख्ने गरिन्छ । तर, स्वास्थ्यका दृष्टिले जौ र गहुँका जमरा सबैभन्दा फलदायी भएको पुष्टि भइसकेको छ । प्रकाश नपर्ने गरि उमारिएको हुनाले जमरा पहेंलो हुन्छ । जौका जमरा सर्वोत्तम हुन्छ । जमरामा सूर्यको प्रकाश नपर्ने हुँदा क्लोरोफिल तत्व हुदैन् ।
जमराको अचार, सलाद, तरकारी, सर्वतजस्ता विभिन्न परिकार बनाएर खान सकिन्छ । जौका जमरा सेवनले छालाको सौन्दर्य बृद्धि हुन्छ । जापानस्थित हाजिवारा इन्टिच्युट अफ हेल्थले गरेको जौका जमरा सम्बन्धी अध्ययनले शरीर बढ्ने, स्वास्थ रहने र तन्द्रुस्त राख्न जमारा सहयोगी खाद्य बस्तु हो, भन्ने पुष्टि भएको छ ।


क्यालिफोर्नियास्थित ला जोला विश्वविद्यालयका एक जीवविज्ञले जमरामा पिफोर डी वान भन्ने तत्व हुने पत्ता लगाए । यसले शरीरलाई फुल्न र सुजन हुनबाट जोगानुका साथै डिएनएको संरक्षण गर्छ । जसले गर्दा कोषिकाको आयु लम्बिन्छ र बुढौली ढिला हुन्छ । दाँतको समस्या हँुदा मुख सुन्निने समस्या, विभिन्न छालासम्बन्धी रोग हुनबाट जौका जमराले जोगाउँछ । जौका जमरा स्टेरोइड नामक शक्तिबद्र्धक औषधि भन्दा राम्रो हुन्छ ।
जमरामा जुसमा पाउने पौष्टिक तत्व हुने तर, तीतो नुहुँने भएकोले प्रयोग जुसको रूपमा सकिन्छ । यसमा अर्गा्निक र सोडियाम हुने भएकोले जलवियोजनको समस्या भएकाहरुलाई निकै फाइदा गर्छ । प्रत्येक एक ग्राम जौका जमरामा ७७५ मिलिग्राम अर्गा्निक सोडियम हुन्छ । यसले रक्त प्रवाहमा हुने क्याल्सियामलाई रगतसँग घुलिएर वग्न मद्दत गर्छ । शरीरका जोर्नीहरुमा जम्मा हुने क्याल्सियामपन घोलिन मद्दत गरी नसाहरु सन्तुलित राख्छ ।
अमेरिकाको विज्ञान प्रविधि स्रोत अनुसन्धान संस्थाले गरेको अनुसन्धानअनुसार भिटामिन, खनिज, क्लोरोफिलको हुन्छ । यसमा गाईको दूधमा भन्दा ३० गुना बढी भिटामिन बि, तथा पालुङ्गोको भन्दा ३ दशमलव ३ गुना भिटामिन पाइन्छ । त्यस्तै ६ दशमलव ५ गुनावेसी क्यारोटिन, ५ गुना बढी आइरन पाइन्छ । त्यस्तै गाईको दूधमा भन्दा ११ गुना बढी क्याल्सियम, सुन्तलामा भन्दा ७ गुना बढी भिटामिन पाइन्छ ।
गहुँका जमरा
जौका जमारामा जस्तो नभएपनि यसमा पनि भिटामिन, खनिज, एमिनोएसिड आदी पाइन्छ । यसले विभिन्न किसिमकको भिटामिन, प्रदान गर्छ । जमराले कलेजमा भएको विशाक्त पदार्थलाई हटाउँन र ठूलो आन्द्रा सफा गरी शरीरमा स्फुर्ति बढाउँन, पाचन शक्ति मजवुत् बनाउँन, रगत सफा राख्न मद्दत गर्छ । क्यान्सरको उपचार लगायत विभिन्न किसिमका भिटामिन, इन्जाइम, खनिजलगायत महत्वपूर्ण तत्व हुन्छ । रोग प्रतिरोध क्षमता बृद्धि गर्ने गुण र मासुभन्दा बढी प्रोटिन एवं शरीरमा चोटपटक लाग्दा छिटो निको गराउँने हुनाले मधुमेहीलाई फाइदा गर्छ ।

तपाईंको प्रतिकृयाहरू
0
Shares

Loading…

Loading…