Loading…

एसइई परीक्षा आजदेखि सुरु, चार लाख ५२३ हजार विद्यार्थी सहभागी

0
Shares

काठमाडौं, ८ चैत । यस वर्षको एसइई परीक्षा आजबाट सुरु भएको छ । यसवर्ष नियमिततर्फ चार लाख ५२ हजार र एक्जाम्टेड तथा प्राविधिक विषयमा ३३ हजार गरी कूल चार लाख ८५ हजार विद्यार्थी परीक्षामा सहभागी भएका छन् ।

परीक्षाका लागि देशभरमा एक हजार ९५६ परीक्षा केन्द्र निर्धारण गरिएको परीक्षा नियन्त्रक रेग्मीले जानकारी दिनुभयो । बिहान ८ देखि ११ बजेसम्म हुने परीक्षाको पहिलो दिन आज अनिवार्य अंग्रेजी विषयको परीक्षा भइरहेको छ । साधारणतर्फको परीक्षा १७ गतेसम्म र प्राविधिक तर्फको परीक्षा २० गतेसम्म सञ्चालन हुनेछ ।

यसवर्ष माध्यमिक शिक्षा पाठ्यक्रम २०७१ अनुसार नयाँ पाठ्यक्रम अनुसारका प्रश्नपत्रका आधारमा परीक्षा सञ्चालन गरिने भएको छ । जसअनुसार अनिवार्य विषय तर्फ गणित बाहेक सबैमा प्रयोगात्मक परीक्षाको व्यवस्था गरिएको छ । परीक्षामा एक हजार ९५६ केन्द्राध्यक्ष, तीन हजार ९१२ सहायक केन्द्राध्यक्ष र २३ हजार निरीक्षक खटिएका छन् ।

ताप्लेजुङका १५२ जना विद्यार्थी यस वर्षको एसइई परीक्षाबाट बञ्चित भएका छन् । विद्यालयमा ७५ प्रतिशत हाजिरी नपुगेका कारण एसइई परीक्षामा सहभागी हुन नपाउने भएका हुन् । परीक्षामा बाधा पुर्याउने र अमर्यादित कार्य गर्नेलाई १ लाख रुपैयासम्म जरिवाना वा ६ महिना कैद वा दुवै सजाय हुने व्यबस्था गरिएको छ ।

तपाईंको प्रतिकृयाहरू
0
Shares

Loading…

Loading…